بقلم ايهاب ثروت
قدم احمد مكي مسلسل اسمه الغاوى و لكنه صدمة لنا جميعآ لأنالمسلسل بيتكلم عن شاب في منطقة شعبية
ولكن ........ أحمد مكي بيقع في فخ الواقع
احمد مكى عمل مسلسل عن منطقة شعبية
ويريد ان يعرض لنا الواقع الحقيقي
في الحلقة الاولي بيقولها صريحة
في أحد المشاهد وهو بيكلم عائشة بن أحمد وبيقولها :
هو لازم يعني عشان اثبت اني من منطقة شعبية و أعوج بوءي و أطجن ( اتكلم ببلطجة وسرسجه ) عشان يبان اني من منطقة شعبية انسان عادي بتكلم كويس وبلبس كويس
ثم يتخطي أحمد مكي حدوده فى الحلقة التالته عندما يتكلم مع عائشة بن احمد التى بتستغرب انه من منطقة شعبية وبيفهم لغات و يعرف مطربين اجانب
فيقول لها : ليه مصممة اني من منطقة شعبية فلازم ابقي بتكلم كده و بعوج شفايفي
الفكرة الغلط دي انتوا اللي عملتوها
لما طلعتوا البطل الشعبي في الافلام انه تاجر مخد....ر****ات
تخيل في مسلسل بيتكلم عن منطقة شعبية
البطل بتاعه مش بيقلع هدومه ويورينا المجانص ومش مدمن مخد****رات ومش بيتاجر في السلاح ومش واخد دبلومة في الزعيق ولا بيحضر دكتوراه في التبريئ بالعين
تخيل في مسلسل البطل بتاعه من حته شعبيه وتون الصوت علي مدار أربع حلقات مايخليش ايدك تروح لريموت التلفزيون توطي الصوت او تقفله لحد ما الصريخ يخلص
تخيل في مسلسل شعبي البطل بتاعه مش ماشي يقول كل حاجة بالوزن والقافيه
احنا معلمين وغيرنا ضايعين
احنا مشينا علي الحيط وغيرنا بياكل سبيط
احنا ولاد الاسفلت ولما جوعت قومت كلت
وغيره من الابيات الشعرية باللبن اللي بيتحفنا بيها محمد رمضان وعمرو سعد و احمد العوضي
ليه قلت فشل لمكي؟
لان دا مش حكمي دا حكم السرسجية الذين يشاهدون المسلسل مش لاقيين نفسهم فيه
فين السلسلة الجنزير و السيجارة المحشية وفين العلاقات المحرمة وزنا المحارم وفين التريأة والسخرية من الدين
وفين السخرية من العادات والتقاليد
مستنقع الواقع .. لان مكي قال الحقيقه
نقل المناطق الشعبية زي ما هيا
فيها كل الالوان والاشكال
بس مش كلها بلطجية وسفاحين
انا لم أرى كل الحلقات
وتعليقي للمسلسل دا ( حتي الان )
ولو في حاجة سلبية هاقولها لكن بقولكم اهو من دلوقتي
هايتهاجم
وبعد منا اتكلمت .. هايتهاجم
لان في ناس من مصلحتها استمرار القرف اللي بيتعرض
غلطان يا مكي ...
مابتتفرجش علي الاستاذ احمد ڤاندام................
ولا بتشوف الاستاذ عمرو جاعورة الشهير بعمرو سعد ..
مممممم هاتفشل كده
ارجو نشر الجوانب المضيئه أكثر من الظلام الداسم في بعض مسلسلاتنا وافلامنا الفتره الحاليه
إرسال تعليق