بقلم الاميره شليمار عبدالمنعم
ياستي فين القشطه والعسل والمش
اللي طعمه أحلي من الحمام
فين الحصان وعروسة المولد واحتفالنا
بمولد الحبيب عليه الصلاة والسلام
فين الخروف والعجل بتاع عقيقة محمد
وحسين ولاد الجيران
فين دا ياستي يا سيدي
قالو لي راح مع الاحبه
اللي كان كلامهم يداوي الجراح
دا كلهم كانوا في الدار و الغيط يزرعوا
الحب والأمان فين القلوب الطيبه اللي
عمرها ما تغش،،ولا تبيع الغالي و ترخصه
و تشترى الرخيص و تعلي له المقام
فين حكمتك وحكمة سيدي و كلامكم
و ضحكتكم في الوش تنور المكان
يا ستي فين العسل والسمنه واللبن
الرايب
فين المحبة بين الأهل والجيران
فين اللي عرفوا الصح وكبروه ،،
وعيبوا العايب وراجعوه
يا سيدي فين صحبتكم ولمتكم
للأهل والجيران وسط الدار،، فين
الكرم والجود ،، فين قاعدة الصلح
في المضيفة والبقلاوة للجيران
فين المودة والصحبة والجيرة المخلصة
يا سيدي فين الرجالة الحرة اللي زرعت الهيبه
فين الأصل والجدعنة والحنان والطيبة
فين كوباية الشاي لما كنا نسمع الصيطه
فين اللي عاشوا بأدب ولا يعرفوا العيبه
قالوا يا ولدي القلوب اتغيرت
من يوم ما راحوا الحبايب
كان في مودة ورحمة وحب من غير غش
وكان الفرح يتغنى في كل دار من دار
الحبايب تلاقي طبق عندى وطبق عندك
إتعشت كل الحبايب بالحب من غير غش
إرسال تعليق