أحد الطلاب الناجين من حادث أتوبيس الجلالة

كتب/رأفت قطب 

لا يزال  حادث جامعة الجلالة حديث الشارع المصري، وخاصة بعد تسببه في وفاة عدد كبير من الطلاب، وإحداث إصابات بالغة لباقي ركاب الأتوبيس، أول أمس.

وكشف أحد الطلاب الناجين من حادث جامعة الجلالة، تفاصيل جديدة، عن الحادثة، حيث نشر خالد محمد، طالب بكلية طب الأسنان بجامعة الجلالة، قائلًا: أنا كنت في الباص اللي عمل الحادث، وكنت طالع من الجامعة زي كل يوم، والمفروض إنه في باص 14 راكب بيحمل، واليوم دا لقيت أتوبيس 50 فرد اللي هو عمل الحادث.

وتابع الطالب خالد محمد، في مقطع فيديو له نشر عبر موقع التواصل الاجتماعي تيك توك: ركبت الباص وحمل ومشينا، ونمت 10 دقائق، صحيت على  صويت إنه في ريحة شياط في الباص، وكان في واحد فاتح الباب الخلفي من الباص

وأضاف الناجي من حادث جامعة الجلالة: كلنا قولنا لـ السواق يقف عشان فيه ريحة شياط، وهو قالنا لا دا عادي، والظاهر إن كان في مشكلة في الفرامل، وهو كان عارف كدا بس مرضيش يقول، وعند منعطف في الطريق السواق خده والباص اتقلب بينا 3 مرات.

واستكمل خالد محمد، وأنا كنت في الجانب الثاني من الأتوبيس، والحمد لله قدرت أخرج من الأتوبيس، ولكن في ناس كتير معرفتش تخرج ومنهم اللي توفي واللي اتصاب، وربنا يرحم اللي ماتوا ويصبر أهاليهم، أنا و5 فقط اللي طالعين من الحادث بكدمات فقط، والحمد لله عملت أشعة وطلع عندي كسر في الضلع، ودي مش حاجة من المشهد اللي شوفته، ربنا يكون في عون كل اللي كانوا في الحادثة.