تحذير هام للسيدات المتزوجات

كتبت/ فاتن الصعيدي

لاشك أن وسائل التواصل الاجتماعي لها كثير من المساوئ والأضرار التي قد تهدد كيان الأسرة كلها قد نلاحظ هذه الفترة وقوع الجرائم وحالات الطلاق الذى قد يكون السبب فيها هو الخيانة الزوجية عبر وسائل التواصل الاجتماعي والانترنت 

فقد نجد بعض النساء المتجوزات ممكن بطريقة غير مقصودة وحسن نيه قد تتحدث مع شاب أو رجل عازب أو متجوز قريب أو غريب وممكن يكون من الجيران تبدأ لرساله صباح الخير اخبارك طمنيني عليكى ليه مش بنشوفك تبدأ كده وتنتهى بخراب البيت وتشريد الاطفال وقد تصل فى بعض الحالات إلى جريمة قتل

 أنت كده حبيبتي فتحتي بابك للشيطان اللي هيخرب ويدمر حياتك بعدها فيلبس توب الحنان بكلامه مالك حزينة حاسك مش مرتاحة فضفضيلى زوجك مزعلك أنت لو مراتى مستحيل ازعلك أو اسيبك لحظه 

ومن هنا تبدأ الست تتعلق بيه ويبقوا أصحاب مفيش يوم غير لما تتكلموا مع بعض على إنه صديق وكلمه فى حدوته يقولك…

لو إنك ست متجوزه وبعدين تتطور العلاقة ومن هنا تحصلي على لقب ست متجوزه وخائنه وخاينه فى كل الأديان والأعراف والعادات والتقاليد والمجتمعات متقوليش بقه مشاعري ولحظة شيطان ولحظة ضعف ولا كلمه أنت حبيبتي اللى فتحتي للشيطان بابك على مصراعيه لذلك سيدتي احذرى ثم احذرى عندما تجدين أي راجل يبعتلك حوارات أو نقاشات قريب بقه أو غريب  اعملى بلوك على طول واللى يزعل يزعل يشرب من البحر حتى لو قريبك 

دى أصول ومبادئ أحسن ما تندمى في الاخر وتبكى بدل الدموع دم

 يا بنت الأصول حافظي على بيتك مهما كانت حالتك وعلاقتك بزوجك متدخليش أي رجل غريب حياتك انت على ذمة راجل خليكى فى حلالك فى حضن زوجك وأولادك  

بيوت كتير خربت بسبب هذه العلاقات التي تبدأ بصداقة وتنتهى بخيانة زوجيه قد تؤدى إلى القتل أو الطلاق وهدم الأسرة وضياع الاطفال خليكى فاكره الكلام ده كويس

 البنت او الست اللى بتفتح باب الشيطان الراجل لو اتهبد فى الأرض واتنطط  زى القرد مش هيعرف يفتح بابك لو أنت مش عاوزه .

أتمنى أن تفهمي كلامي جيداً ربنا يحفظك ويحفظ نساء المسلمين جميعاً.