تعرف ايه عن صراع الولاة العثمانيين على حكم مصر

كتب/رأفت قطب

اهلا بيك من امام سبيل وكتاب خسرو باشا بشارع المعز بحيييك 

خسرو باشا الوالى العثمانى اللى تولى حكم مصر لمدة سنة واحدة ومنصب الصدر الأعظم للدولة العثمانية أكثر من مرة وساهم بفكره وقوته في إصلاحات داخل الجيش العثماني 

في سنة 1801 ارسل السلطان العثمانى جيش كبير وعلى رأسهم محمد على باشا وخسرو باشا علشان يتحدوا مع الامبراطورية البريطانية و يقضوا على الوجود الفرنسي في مصر 

وكان خسرو باشا له وضعه ومكانتهم في اسطمبول وده الى خلى في صراع وكراهية وحقد من محمد على باشا له وشاف ان ده هيعيق طموحه وهيمحى انتصاراته في الجيش العثمانى يعنى مش هيبقي باين قدام خسرو باشا 

والسلطان سليم الثالث جه وعين شخص اسمه " كوتشوك حسين باشا" قائدًا عامًا للأسطول العثماني سنة 1792 ميلادياً و#كوتشوك كان بيحب خسرو فعينه ملازم له وكمان خلاه شريك له في حملته على مصر

وعين محمد علي باشا نائبًا لقوة عددها 300 مقاتل ألباني قائدها طاهر باشا وبالفعل قدره يسيطره على مصر وانسحبت القوات البريطانية 

وهنا خسرو بقا حاكم لولاية زى مصر غنيه يقدر من خلالها يحقق طموحه في اصلاحات بالجيش وبدأ يطارد ويحارب المماليك لكن فشل واستصدم بمحمد على وخسروا باشا دبر له مكيده وعزمه على العشاء لكن محمد على فهم ومرحش 

وخسرو فرض ضرائب على الشعب ومدفعش رواتب الجنود وثاروا عليه لغاية ما هرب لدمياط وهنا سيطر عليه محمد على واعتقله 

وفيما بعد محمد على باشا زاد نفوذه وسيطرته وعلشان ميظهرش انه هدفه انه يكون حاكم لمصر خرج خسرو باشا من المعتقل وعينه حاكم لمدة يوم لكن الناس ثارت على خسرو باشا تانى وطلبت ان محمد على يكون هو الحاكم 

والسبيل ده من اجمل اسبلة القاهرة الى أنشأه خسرو باشا الوالي العثماني سنة 941 هجرياً 1535ميلادياً