كتب جرجس الديب

حضر الفنان أحمد السقا ضيفًا على الإعلامية إنجي علي، في برنامج أسرار النجوم  المذاع عبر محطة نجوم FM، و كشف عن بعض الأزمات  التي واجهته في فيلم السرب، مشيرًا إلى أنه تعرض لمواقف خطره، مطمئنا الجمهور أيضًا على حالة الفنان أحمد رزق

وقال أحمد السقا عن أصعب مشاهده خلال فيلم  السرب قائلًا: مشهد تحرير السبايا، المفروض إني أفجر قنبلة في الباب وأحرر السبايا وأخرج، وفي واحد لم يتم إخطاره بحدوث الانفجار، وحصلت فرقعة افتكرتها القنبلة وروحت داخل راحت العبوة فرقعت فيا أنا.

وأوضح أحمد السقا عن تعامله مع الموقف بهدوء إذا قال: تعاملت مع الموقف بهدوء جدًا وقولتلهم محدش يقرب ليا وقعدت أحرك ايدي وجسمي ولقيت إني تمام قولتلهم أنا كويس خلاص، كنت بقف تحت الطيارات على الممر ومن صوتها  الشديد قعدت 10 أيام فاقد السمع، وأنا بلعب رماية وعارف يعني إيه ضرب النار ولكن كنت فاكر إني بمسك البندقية وبضرب خلاص ولكن اكتشفت إن في طريقة لضرب النار وقعدت اتعلمتها بالفعل مع ظباط وخدت 

وأشار أحمد السقا عن حبه للوطن قائلًا: أنا راجل مش سياسي ومتفرج ولكن بحب تراب بلدي وأموت نفسي عليها واللي ياجي تحت تراب مصرأكل أحشائه، ولو قالولي تعالى عالجبهة هكون هناك.

واضاف عن أزمته مع السفر قائلًا: أنا مبحبش السفر ولما بطلع الطيارة بيجيلي إحباط، ومرة اتمسكت في أمريكا بسبب إني رجعت تاني يوم وكنت رايح أشوف خالي فشوفته وقولتلته أنا مروح واحجزلي تذكرتي والظابط في المطار شك فيا وقالي مكملتش 24 ساعة وعملولي تحقيقات، والمطارات كلها حفظوا شكلي إني راجل مجنون بياجي ويروح.

واعزم الفنان أحمد السقا، على طمأنة الجمهور على الحالة الصحية للفنان أحمد رزق بعد تعرضه لوعكة صحية شديدة خلال الفترة الماضية، قائلًا: أحمد زي الفل وصحيًا زي الفل وهو مر بالتهاب في القولون ولكن بخير وأحمد دا الشق بتاعي ومسلسل خطوط حمرا نجح بسببه.