محمود رمضان يكتب رجوع المداح للحياة بعد الموت

هل من الممكن إن شخص يرجع للحياة بعد المــوت يلا بينا نشوف الموضوع 

خلال الحلقة الأخيـرة من مسلسل المداح " اسطورة العودة " بيظهر مشهد مرعب لصابر وهو مصاب من السيــف بتاع سميح بعد ما قدر يخلص على سميح  . 

وبعد ما بيتم دفن صابر ، وبيظهر سميح في جنازة صابر المداح عادي جداً ، والغريب أكتر إن صابر في نفس الليلة ، بيرجع للحياة من جديد .

خليني أقولك إن مفيش إثبات صحيح على إن فيه شخص ممكن يرجع للحياة من جديد بعد الـموت للناس العادية ، لكن ظهور سميح إشارة للشيــطـان الأكبر إبلـيس ، وإبلــيس من المنظرين إللي هيفضلوا في الأرض لأخر الزمان ، فصابر من الأساس ما قــتلوش .

سميح هــرب لما حس إنه الطرف الأضعــف وهيتجسد من جديد ، بشكل جديد وبشخصية جديدة ، وقوته هتكون أكبر لأن معاه خاتم المداح .

و سميح " قال لصابر : جملة مهمة جداً ، وهي : البوابة الجديدة هتتفتح بوجودك ، لأن بعد ما المداح قوته الروحية زادت ، بقى مجرد وجوده في المكان كفيل يفتح البوابات الشيـطـانية ، والبوابة الأخيرة هي أكبر دعم للدجـال وإللي هيخرج منها واحد من الشيـاطين المرعبة إللي هيساعدوه .

وللأسف بوجود "صابر" في المكان وبإصابته ونزول دمه عند البوابة ، أحب أقولكم إن البوابة اتفتحت .

من ناحية تانية ، فيه ناس كتير جداً بترجع بعد الدفن وبعد ما كٌل الدكاترة بيقولوا إنهم خلاص ماتـوا ، ولكن الحقيقة إنهم مش بيكونوا ماتوا الميــتة الكبرى ، بيكونوا في حالة شبه الغيــبوبة ، وعقلهم بيكون صاحي وواعي بكل اللي بيحصل وديه حالة اسمها - متلازمة لازاروس .

ومن الواضح إن ده إللي حصل لصابر ، وإن الجــن المؤمن عمل إنعاش قوي لصابر ورجع تاني للحياة ، والجـن المؤمن هو النيـزك المنور إللي ظهر في السما ، ومن الواضح إنها تاج وإنها قدرت تعالج صابر زي ما عملت مع فاطمة بنت الشيخ زايد وده فيه إسقاط قوي على إن الخيــر والشـر مكملين للنهاية  .

 واستعداد للجزء الجديد من المداح رمضان 2025