كتب عبد السميع المصري
اكد الفنان والمطرب محمد دياب،
إنه عانى من الفقر والعوز في بداية حياته،
مضيفا: «لم تكن تتوفر لدي أساسيات الحياة».
وأضاف دياب، خلال استضافته في برنامج «ع المسرح» مع الإعلامية منى عبدالوهاب، المذاع عبر فضائية «الحياة»: «العوز والفقر ده كان أكتر حاجه بتضايقني، ، إني أبقى محتاج آكل ومش لاقي آكل أو بردان و معنديش جاكيت يدفيني، الحاجات دي كانت مضيقاني جدًا».
وأوضح أن تصريحه بمعاناته مع الفقر والعوز ليس من باب استعطاف الجمهور، ولكنها الحقيقة، معقبًا: «مش بكدب، بطاقتي على إمبابة، روحوا اسألوا الناس في إمبابة وهي تقولكم».
وأشار دياب، إلى أن أول عمل امتهنه كان الغناء وهو في سن الخامسة عشرة، متابعًا: «كان فرح في إمبابة بالشارع، وخدت 45 جنيه، جبت بيهم أكل كلهم، وكلت أنا وصحابي، كانت سعادة غامرة».
وتابع: «الـ45 جنيه كانوا رقم مكنتش مسكته قبل كده، كنت بقعد أحوش فيه سنة عشان أقدر اشتري جزمة».
واضاف الفقر مش عيب العيب انك متسعاش لتغير الظروف
اعمل ال عليك والباقى على الله
إرسال تعليق