حكاية جديدة من حكاوي أماكن ولكن من قلب الحدث

كتب  أحمد عويس 

حي مصر القديمة..

تقريباً هو أقدم حي سكني في التاريخ، وبدون مبالغة عمره  ٦٥٠٠ سنة ..  

قديماً عُرف باسم خكري عحا أو أرض المعركة باللغة المصرية العامية القديمة (الهيراطيقية)، وده لأن الحي وفقاً لأسطورة إيزيس وأوزوريس الشهيرة دارت فيه معارك الصراع بين حورس وست للسيطرة علي عرش مصر وفيه غرق أوزوريس في فرع النيل اللي بتطل عليه المنطقة..

حي مصر القديمة استضاف السيد المسيح وأمه السيدة مريم وتبارك بإقامتهما فيه وقت هروبهما من هيرودس و بُني علي مغارة إختبائهما هيكل كنيسة أبو سرجة الشهيرة، وفيه أقدم كنيسة في افريقيا.. حي مصر القديمة وطأته أقدام كبار صحابة رسول الله صَلِّ الله عليه وسلم أمثال الزبير بن العوام وعمرو بن العاص والمقداد بن الأسود وعبادة بن الصامت.. حي مصر القديمة هو الفسطاط عاصمة الفتح الإسلامي لمصر اللي فيها أول مسجد بُني في أفريقيا واللي منه انطلقت دعوة الجيوش الإسلامية لرد التتار.. حي مصر القديمة  هو القاهرة القبطية ومجمع الأديان وبوابة منف القديمة..

حي مصر القديمة 

يعني جامع عمرو بن العاص يعني كنيسة ماري جرجس الشهيرة بالكنيسة المعلقه يعني المنيل والمقايس يعني القبوة والفرنساوي يعني احلي كورنيش وكوبري خشب يعني الزهراء وبجوراها وادي عنتر يعني قلعة الجبخنه الشهيرة يعني ابوسعود والجيارة يعني قلب قاهرة  المعز يعني التاريخ وحصن ببليون 

لو حد سألك انت منين؟؟ قولهم من مصر القديمة..

بلد العزة والفخر