يوميات مذيعة مفروسة خطافة الرجالة

بقلم دليا غازى 

سؤال  استوقفني  كتير    يعني ايه  خطافة   رجالة  ؟ 

  وطبعا  سألت   كتير  وكل  الإجابات    اجمعت   اني خطافة الرجالة   هي الست  اللي  بتاخد   راجل متجوز   او مرتبط    يا للهول   الستات   بقت  خطافة   وطبعا   الراجل  البرئ  يا  حرام    اتاخد  علي غفلة واتخطف   تقريبا الست    سقته   حاجة اصفرة   في  كوباية  ابيضة   فتخطف   علي  سهوة  ...  طبعا   كلامي   مش معناه   اني مع   النوع  ده من العلاقات   او بايده    لا  خالص   علي العكس  تماما   انا  فعلا  وحرفيا   ضد النوع ده   لانه  بالنسبة  لي  خيانة     وبرغم   اني ضده   لكن حقيقي  بتستفزني   وتستوقفني   الكلمة   فأنا ضد   عبارة  خطافة  الرجالة   لانه ببساطة   مفيش  راجل   حقيقي   بيتخطف    مفيش راجل   بيحب بجد وصدق    هيمشي   مهما   كانت   المغريات    الراجل   الحقيقي    بحافظ علي شريكته   ومبيشوفش   غيرها   في الحياة   بيشوفها  دايما   هي الاحلي  والاجمل  والاحن   بيشوفها  ست  ستات   الكون   مهما كان  حواليه  ملكات  جمال  ده  الراجل  الحقيقي  مش   الذكر   الراجل الغالي  مش  الرخيص  وطبعا  هنا انا بتكلم   عن  كونك  ست  عاملة   اللي عليكي    ومش مخلية  حاجة ناقصة  لشريكك   و مكنش فيه  سبب  من عندك  كست   انه يبص  لواحدة تانية   وده مش مجال  حديثنا دلوقتي   لكن  هكتب لكم  عنه   في الخواطر  الجاية   ...نرجع بقي لموضع  خطافة   الرجالة   عايزة  اقولكم  صدقوني   مفيش   غالي   بيتسرق   او بيروح  لحد  الرخيص  بس   هو  اللي بيروح  لأي  حد  

واكتر   حاجة بتوجعني  وبتفرسني   لما  بشوف الست   اللي اتخانت    ضعيفة  وموجوعة    وبتوقف  حياتها   كأنها   انتهت   بنهاية   علاقتها   مع شريكها   وبتو جع اكتر   لما بشوف  ست   مكسورة   ومطفية   عشان  واحد   مؤذي   ورخيص    والغريبة   انها  بتخلق  له   مبررات   وتحط اللوم  كله  علي الست   اللي  اخدته   او خطفته   وتفضل تقول لولا خطافة  الرجالة  كان  فضل   مكنش  سابني    وراح  صدقيني   سواء  هي   او غيرها    او اي سبب  تاني  كان  هيمشي   وكان هيلاقي  الف  ويمكن مليون  مبرر    صديقتي   المراءة   واختي  وبنتي   من فضلكم   متوجوعش  قلوبكم  عشان  واحد  خان   وباع   ومفتكرش  لحظة  حلوة  ولا ساندة  ليه  وما افتكرش   يوم   كنتي  ليه  الأمن  والحضن  والسند    عيشي  حياتك   عزيزتي  الحلوة    واللي  باع  وخان  او زي ما انتي بتقولي  اتخطف  من خطافة  الرجالة   ميتسهلش  لحظة واحدة  من  تفكيرك   قومي وابدئ   من  جديد   واستمدي   قوتك   من داخل نفسك   وخليكي  فاكرة  طول  ما العمر لسه  فيه  باقيه  الحياة   لازم  تستمر   واللي  راح  ومشي   اعتبريه  قلب  وراح  واختاري  وانتي صاحبة القرار

وسلم لنا  بقي علي التروماي