يوميات مذيعة مفروسة اختياراتي

بقلم /داليا غازى

طبعا   وقع الكلمة  علي طول  هيفكرنا  بأغنية  احمد  سعد  اختياراتي   مدمرة   حياتي   والحقيقة   صح انا قاصدة  افكركوا وعيزاكو   تفتكرو  .....هيطلع   واحد    هناك  اهو هيقولي   وتفكرينا ليه  بس  يا  ست  داليا   هو  احنا  ناقصين  هقولك  لازم  افكرك  وافكركم   وافكر  نفسي   عشان  منقعش  في الفخ  ونختار غلط  ونوصل  لمرحلة  تدمير  الحياه  والاختيار  هنا  بصفة عامة   سواء كان  اختيار  صديق  أو حبيب  او شريك  او حتي اختيار   لمجال عمل     .....

الحقيقة  ومن غير شك   الأغنية   خلتني  اقعد  افكر  كتير    وشغلت  لي بالي   بشكل مش  طبيعي    معقولة  انسان  يبقي   كل  اختياريه   غلط   يعني الملفت  انهم  اختيارات   كتير   مش  اختيار   واحد    ايه  اللي   يوصل  انسان  انه  يروح برجلية  للدمار   والاذي   نتيجة   سوء   اختياره   الحقيقة  في اسباب   كتير  اهمها   التسرع   و  الاختيار   المسبب   يعني  بختار    لسبب  شايفة  في الطرف  الآخر  اما  مادي   او معنوي   لكن   بعد  مرور  الوقت  والتعود  علي الشخص  بنبدء  نشوف  الاختلافات  وتبدء  الخلافات   اللي  بتوصلنا  لدرجة  من الاذي  النفسي  والشعور  بالتعاسة   وتدمير  النفسية    عشان  كده  تعالو  اقولكم   ازاي  نختار صح   وبقدر  الامكان   منقعش   في فخ الاختيار   الغلط   وطبعا  مفيش حد  معصوم  من  الغلط  كلنا  بما  فيكم انا   اكيد  وقعنا  في الاختيار   الغلط  لأشخاص  غلط   لكن المهم  اننا  نتعلم   ومنكررش  غلطنا  ومنعملش  زي سي  الاستاذ  احمد سعد

يلا بينا   نساعد  بعض  ونعرف  ازاي  تختار  صح  بشوية  حاجات  بسيطة  واربع  خطوات  سهل  جدا  ندرب  عليهم   

اولا   ...اعرف  نفسك  

اهم  خطوة  واول  خطوة عشان تختار  صح   اعرف نفسك   كويس  اتعرف  علي ميولك  وقدراتك    غوص جوة  نفسك  وحبها   واعرف  عنها  كويس   عشان  تعرف  تختار   صح اعرف  نفسك  صح 

نيجي بقي للنقطة  التانية  وهي  اختار  مين   بعد  ماةعرفت  نفسي  اقولكم  اختارو الشريك  اللي يدعم  طموحكم  واحلامكم   ويشارك  معاكم  امنيتكم  واهدافكم

تالت  حاجة  بقي   اختار   الشريك  اللي فكره  متوافق  مع فكرك   شبهك  يعني  في ا لافكار   والمعتقدات   شريك   فكره  مش غريب  عنك  عشان  متجيش بعد  فتره  حلاوة البديات   تتفرجي بشخص  مش عاجبه  كل  حاجة فيك  وعايز يغير  كل  حاجة ومش عاجبه  اي  حاجة انت بتعملها   ركزوا   بقي  انا قلت  اهو  وعملت  اللي  عاليا  

اما  رابع  حاجة  بقي  وهي  الأهم   وهفضل  اقولها  فيىكل موضوع  واس موضوع   الشعور  بالأمان   مع شريكك   الأمان  العاطفي  والأمان  المادي   الأمان  حتي في الافكار    امان  تام   متخفش  من  اي حاجة   وانت معاه  مش،بس كده  متخفش  اصلا   وانت بتتكلم  معاه  متخفش يفهم  كلامك  غلط  لأنك  ببساطة  حاسس بالأمان  وعارف  انه  فهمك  ومستوعبك   وطول  ما انا  بكتب هفضل  اقولكم  الأمان  ثم الأمان  ثم الأمان  هو اساس   نجاح  اي  علاقة 

١_ اعرف تفسك 

٢_اختار  مين ؟ شريك داعم

٣_تشابه  الافكار  والمعتقدات 

٤_الامان

يلا  بينا   نبدء سوا   واللي  فات  ننساه   ونتعلم  نختار صح  في اللي   جاي  واختار  وانت صاحب القرار عشان  ما نقولش  كلنا  سلم لنا  بقي علي التروماي