كتب /دينا عبد الرحمن
فاكرين محمد قماح نجم ستار اكاديمي واللي من أول تجربة ليه في الغناء كانت أغنية "كل ما أفكر"، الكل توقع سطوعه وحضوره بقوه، بعدها عمل أكتر من أغنية محققتش نجاح كبير زي " كل ما أفكر".
وكل فترة بيختفي قماح بعد كل تجربة مش موفقة بعدها بيدخل في صراع مع المرض لفترة كانت صعبة جدا ً في حياته بعدها بيتم شفائه علي خير، لكن فضل واقف شوية مكانه مش عارف يرجع زي الأول.
وبعدها بيحصله إحباط شديد وبيمر بظروف صعبة لكن بيقرر يتحدى كل الصعوبات وبيتخطي الحواجز بفكر جديد كمطرب ومُلحن وموزع موسيقي وتنفيذ إنتاج المزيكا من البداية للنهاية....
قماح قرر يعمل ' Move on' وقدر يوصل لعمرو دياب ويكون عامود أساسي ببصمات في التلحين والتوزيع بأغنية "الحفلة" في 2023 اللي عملت ضجة وجدل واتصدرت تريند تويتر ومُحركات البحث في جوجل، وفي ألبوم مكانك إللي طرحه عمرو دياب في بداية 2024.
قدم قماح أفضل ألحان الألبوم بأغنية " الكلام ليك" من كلمات تامر حسين وقدرت كلمات الأغنية إنها تكون من ضمن قائمة ال Top 3 للأغاني الأكثر استماعاً على تطبيق انغامي ومن ضمن 12 أغنية في الألبوم.
تعليقات
إرسال تعليق