انجازات الرئيس عبد الفتاح السيسي

كتب/محمد صابر حسين 

محرر صحفي 

الرئيس السيسي  تعرض لأكبر وأضخم حملة تشويه فى التاريخ إتشتم وتمت السخرية منه من شركات ميديا ومؤسسات إعلامية عملاقة وتحمل ومازال يتحمل ما لا يطيقه بشر على نفسه أو على أهل بيته وعمره ما رد بشتيمه أو إساءة واحده

- الرئيس السيسي   إستلم البلد وماكنش حد يجروء إنه يمشى فى الشارع بعد الساعة 7‏بالليل 

كافح الإرهاب وصمد قدام مخطط شيطانى دول عظمى بتحركه ودلوقتى بقيت تنزل الشارع الفجر تجيب حاجة ساقعة وسجاير وتقعد تشم هواء كمان

- الرئيس السيسي   إستلم البلد وفيها أعلى نسبة إصابة بفيروس C  فى العالم لكن النهاردة بكل ثقة مصر أبهرت العالم بعلاج ما يقارب مليون ونصف مواطن من المرض

ومازال المسح الشامل شغال بحملة 100 مليون صحة وبالمجان والى مافيش زيها فى العالم كله بالمناسبة

- هذا الرئيس  رفع تصنيف الجيش المصرى ووصل بيه لأعلى عشرة قوى عسكرية على مستوى العالم 

-هذا  الرئيس عمل ما لايقل عن 11 ألف مشروع فى 5 سنوات ومازال بيستكمل ومافيش ولا مشروع منهم مكتوب بإسمه

‏ولا فيهم حاجة تشير إليه من الأساس كلها مشروعات لخدمة الناس وبتوفر عليهم ملايين 

هذا الرئيس  أول رئيس بعد 40 سنة يقتحم ملف العشوائيات بكل جرأة ويحل المشكلة من جذورها ويمحى العشوائيات من على الأرض 

- الرئيس عبد الفتاح السيسي  إستلم البلد وهى متجمد عضويتها فى الإتحاد الإفريقى ومطرودة حرفياً

من الإتحاد النهاردة مصر الرئيس الرسمى والممثل الأول عن قارة إفريقيا

- الرئيس السيسي  ده إستلم البلد وتقريباً معظم دول الغرب بتشتمه وقاطعة العلاقات أو التعاون مع مصر النهاردة بقوا هما إلى بيجروا ورا مصر وبيدعوها فى أكبر وأضخم المحافل والمؤتمرات العالمية 

-  الرئيس السيسي  إستلم البلد ديه

‏والإحتياطى النقدى لا يتعدى 13 مليار دولار والنهاردة الإحتياطى هيكسر حاجز الـ 50 مليار دولار

- الرئيس السيسي   إستلم البلد إلى خربانة حرفياً من الناحية الإقتصادية ورفع قوتها الإقتصادية ورفع الإحتياطى النقدى وقام بتسديد ما 30 مليار دولار دون أن يشعر مواطن واحد بالسداد

‏- الراجل  إستلم البلد وهيا عليها 6.3 مليار دولار مستحقات ومديونيات لشركات البترول الأجنبية وسدد ما تعادل قيمته حتى الآن 5.3 مليار دولار ويتبقى 1 مليار دولار فقط دون أن يشعر أحد 

-  الرئيس السيسي  بيواجهه بصفته وشخصه أضخم تنظيم سرى عالمى على مستوى كوكب الأرض تقريباً لوحده دون زعماء

العالم كلهم حتى زعماء الدول العربية 

- الرئيس السيسي  شخص شريف وعظيم ومحترم وبيشتغل تقريباً 24 / 24 ساعة وعمره ما إشتكى ولا طلع يقول أنا تعبان ومش قادر 

- الرئيس  مش محتاج منك تأييد شخصى ولا عايز منك تطلع تهلل وتطبل مطلوب منك بس إنك تخاف على بلدك وتبقى متأكد إنه الثقة الى شوفتها

فيه فى محلها 

- هذا الرئيس  يمثلنى  وأنا حرفياً واثق فيه جداً وفى نبله وأخلاقه لأنى شوفت بعنيا معنى رئيس دولة بيسمع إهانته بودانه ويشوفها بعنيه على مدار 7 سنين وبرضه بيكمل شغل بكل شغف وإصرار لأجل كل واحد فى البلد (مؤيد ومعارض)

 إسمه (عبد الفتاح السيسى)  أسد مصر